Өнөөдөр цагаагчин могой өдөр

-Аргын тооллын 2 дугаар сарын 2. Мягмар (Ангараг) гараг (2021)

-Билгийн тооллын 20, цагаагчин могой, тугчин-12 од, суудал шороо, мэнгэ 2 хар, хүчин төгсөхийн барилдлагатай өдөр.

-Өдрийн нар ургах/шингэх цаг: 08:18-17:54.

-Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.

-Хүний сүлд дал, мөр, хүйс, дотор шагайнд байрлах тул мэс бүү хүргэ.

-Үс бүү засуул өлсөж ундаасна муу цээрлэвэл зохилтой.

-Хол газар явагсад баруун зүгт мөрөө гаргавал зохистой.

–Үхэр, могой, морь жилтнээ аливаа үйлийг хийхэд эерэг сайн. Харин гахай, бич, тахиа жилтнээ сөрөг муу.

-Дайнд ялах, дайсан дарах, номхтгох, цэргийн ба догшин үйл хэрэг, балгас эвдэх, шинэ ноён тавих, захиран тушаах ажил, мал гадагш гарах, газар лусын зан үйл, тахил хийх, нүүдэл хийх, цэрэг хөдөлгөх, зээл авах, буяны үйл, номын үйл эхлэх, гүйцээх, сүм дуган нээхэд сайн.Мод таслах, газар малтах, эм найруулах, ус хааж бөглөх, бэрийн үйл, худалдаа хийх, заргалдах, мөр гаргах, морь худалдах, замд гарах, үхэгсдийн үйлд муу. Эр хүн хэрэг чирэгдэлд холбогдохоос болгоомжилж явах ёстой. Хүн мал амгалангүй тул хичээн сэрэмжлэх хэрэгтэй. Түшмэл, хутганы өдөр дэлгэрдэгч хутга бүү хурцал.

-Зурхайч лам Д. Цогтбаатар (Гандантэгчэнлин хийд).