Шинэ уран бүтээл: Дуучин Э.Чулуунчимэг, Б.Гүрбадам нарын хамтран дуулсан “Сайхан хань минь”

2020 оны 03-р сарын 17 өдөр, 09 цаг 28 минутад нийтэлсэн (Сэтгэгдэл үлдээх )
hani

Үг: Ш.Доржсүрэн Ая: Д.Чулуун
САЙХАН ХАНЬ МИНЬ
Хонгор багахан хорьхон насандаа
Хайрын галыг асааж танилцаад
Итгэл сэтгэлээр ханьсан жаргасан
Энхрий үрсийн минь элбэрэлт ээжий

Хань минь наашаа суу
Хайрлан хайрлан ярих л гэсэн юм аа
Амраг минь наашаа суу
Аргадан аргадан хэлэх л гэсэн юм аа

Гунхсан сайхан гучхан насандаа
Голомтын шүтээн болж хүндлэгдээд
Үрийн бүүвэйн заяа тэгшилсэн
Өргөө гэрийн минь амин түшиг

Хань минь наашаа суу
Хайрлан хайрлан ярих л гэсэн юм аа
Амраг минь наашаа суу
Аргадан аргадан хэлэх л гэсэн юм аа

Түвшин дөлгөөн дөчхөн насандаа
Тавилан жамын учгийг зангидаад
Дээдсийн удмын бүлийг нэмсэн
Дэвжих насны минь алтан багана

Хань минь наашаа суу
Хайрлан хайрлан ярих л гэсэн юм аа
Амраг минь наашаа суу
Аргадан аргадан хэлэх л гэсэн юм аа

Ач зээгээ дэрвэхэд баясан нялхардаг
Аашны сайханд нь орчлон гэрэлтээд
Тэгш дүүрэн хүслийг дэвжээсэн
Тэнгэр сүлд минь галын сахиус

Хань минь наашаа суу
Хайрлан хайрлан ярих л гэсэн юм аа
Амраг минь наашаа суу
Аргадан аргадан хэлэх л гэсэн юм аа

Share the post "Шинэ уран бүтээл: Дуучин Э.Чулуунчимэг, Б.Гүрбадам нарын хамтран дуулсан “Сайхан хань минь”"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх