1,2 кг химийн бодис авч явсныг саатуулан шалгаж байна

Нийслэлийн Сүхбаатар дүүргийн 11 дүгээр хороо, Хангай хотхоны байрны авто зогсоолд “Кроун” загварын суудлын автомашиныг Эрүүгийн цагдаагийн газрын тасгийн дарга шалгажээ. Гэтэл  Улаанбаатар хотын харьяат иргэн Б /48 настай, эрэгтэй/, П /54 настай, эрэгтэй/, Н /56 настай, эрэгтэй/ нар “Луна” гэсэн хаягтай ягаан өнгийн 1,2 кг жинтэй химийн бодисыг авч явж байжээ. Тэднийг саатуулан шалгаж байна гэсэн мэдээллийг цагдаагийн байгууллагаас өгсөн байна. Цагдаагийн ерөнхий газрын Экологийн цагдаагийн албаныхан уг бодисыг Гамшгийн шуурхай удирдлагын газарт хүлээлгэн өгчээ.