Дөрвөн настай охин цонхоор унах гэж байсныг аварчээ

Завхан аймгийн Улиастай сумын Богдын гол баг 18-р байрны таван давхрын цонхоор дөрвөн настай охин унах гэж байсныг Онцгой байдлын газрын аврагчид аварчээ.  Бага насны хүүхэд цонхоор унах гэж байна гэсэн дуудлага 12 дугаар сарын 26-ны өдрийн 16.00 цагийн орчимд онцгой байдлын албанд ирсэн бөгөөд аврагчдыг очиход тус байрны 35 тоотод оршин суух дөрвөн настай Д-г унах гэж байсныг эсэн мэнд буулгаж, аймгийн Цагдаагийн газрын жижүүрийн бүрэлдэхүүнд шилжүүлэн өгчээ.