Шинэ уран бүтээл: Дуучин Г.Эрдэнэчимэг “Эхийн дуу”

“Эхийн дуу”

Халуун элгэн нутгийнхаа эзэн нь болж мэндэлсэн
Хатан зоригт баатруудын хойч нь ирсэн болохоор
Хамаг сайхан бүхнийг чинь атгаг буруу бүрхлээ ч
Хатан зоригтны удам нь уйлдаггүй юм бүү ай

Дахилт:
Арагаа түшээд төрүүлсэн алтан ургийн хэлхээс
Алаг хонгор үрс минь ад муугаас бүү ай

Далай их орныхоо эзэн нь болж мэндэлсэн
Дайчин сүрлэг өвгөдийн залгамж нь ирсэн болохоор
Дэлгэр цагаан нутгийг чинь зэтгэр муу бүрхвээс
Дээлтэй Монголын удам нь эмээдэггүй юм бүү ай

Дахилт:

Гүрэн их улсынхаа эзэн нь болж мэндэлсэн
Галтай дагшин хаадын үргэлж нь ирсэн болохоор
Цаст их уулсыг чинь хар манан хаалаа ч
Цөст их хаадын удам нь айдаггүй юм бүү ай

Дахилт:
Монгол бүү ай