Дуучин Э.Чулуунчимэгийн шинэ уран бүтээл “Гучин нас”

“ГУЧИН НАС”
Хаврын салхинд хормой дэрвээд
Хачин юмаа гучин насанд
Харцны сайханд сэтгэл дэнслээд
Халуухан юмаа залуухан насанд
Амьдрал мэдэхгүй нас биш чиг
Алдаж мэдэхээр танхилхан байна
Богиндсон даашинз цэцгэн шаахайтай
Бороонд нормоор хавар байна

Адтай ч гэсэн гучин нас минь
Бусдын амрагт шунан дурлахгүй
Алдаатай ч гучин нас минь
Бурхадын дураар харамсахыг хүсэхгүй

Хуй салхинд хийсэн алдаад
Худлаа юмаа гучин насанд
Хундага дарсанд сэмхэн халамцаад
Хуульгүй юмаа залуухан насанд
Амьдрал мэдэхгүй нас биш чиг
Алдаж мэдэхээр танхилхан байна
Богиндсон даашинз цэцгэн шаахайтай
Бороонд нормоор хавар байна

Адтай ч гэсэн гучин нас минь
Бусдын амрагт шунан дурлахгүй
Алдаатай ч гэсэн гучин нас минь
Бурхадын дураар харамсахыг хүсэхгүй