Домын арга: Мөнгө тогтоох шилдэг 10 нууц

2019 оны 04-р сарын 12 өдөр, 13 цаг 21 минутад нийтэлсэн (Сэтгэгдэл үлдээх )
ffh_fhf

Мөнгө олох хэцүү, үрэх амархан гэдэг. Хэрэв та олсон мөнгөө зөв зарцуулж чаддаггүй, мөнгөнд хайш яйш ханддаг бол танд хэзээ ч мөнгө тогтохгүй. Ер нь баяжих анхны алхам мөнгөнд хандах хандлагаас ихээхэн хамаардаг байна. Ингээд мөнгө тогтоох арван нууцыг хүргэе.

1. Орон гэрийнхээ амин чухал хэсэг болох галын өрөө, коридороо маш цэвэрхэн байлга. Мөнгө бохир, заваан газарт ирдэггүй.

2. Мөнгөтэй болсон эхний өдрөө бүү үр. Мөнгөө сейф эсвэл хайрцганд хийж хадгал. Ингээд маргааш өглөөнөөс эхэлж, бага багаар үрж болно. Энэ нь бодлогогүй алхам хийх, төлөвлөөгүй зардал гарахаас сэргийлдэг.

3. Мөнгөний түрийвч улаан өнгөтэй байвал сайн, эсвэл улаан өнгийн оруулга, чимэглэлтэй байж болно.

4. Түрийвчиндээ зөвхөн мөнгө, карт л хийх ёстой. Гэрэл зураг, чек зэрэг илүү юм, элдэв хог хэрэггүй.

5. Мөнгө дуудах нэг арга бий, та баян хүнээс мөнгөн дэвсгэрт гуйж аваад задлалгүй хадгал. Ялангуяа баян орны валют байвал бүр сайн.

6. Мөнгөн дэвсгэртүүдийг их, багаар нь ялгаж, түрийвчнийхээ өөр өөр тасалгаанд хийж занш.

7. Мөнгийг өглөө, цэвэрхэн гараар тоолж сураарай.

8. Мөнгө олох чадвараа тогтмол сайжруул, төгөлдөржүүл. Мэргэжлийн хувьд, мөн хөрөнгийн бирж дээр мөнгө олох гээд хоёр чиглэлд өөрийгөө хөгжүүлж болно. Яагаад гэвэл мөнгө л мөнгийг “хийдэг”.

9. Олсон орлого, мөнгөө 100% гэж үзээд дараах байдлаар хуваарилаж занш. Мөнгөнийхөө 50%-ийг сайн үйлст хандивла, 25%-ийг гэнэтийн зардалд зориулан цааш хадгална. Харин 10%-ийг тусламж хэрэгтэй байгаа хамаатан, төрөл садандаа зориул, ингээд үлдсэн 15%-ийг өөртөө зарцуулаарай.

10. Хамгийн гол нь өөртөө авах биш бусдад илүү өгөхөд суралц. Тэгсэн цагт л та 2 дахин ихийг олдог болно. Бод, дандаа сайхныг бод. Хэцүү байсан ч хүссэн сайхан зүйлээ бодвол амжилт, аз жаргал өөрөө гүйгээд л ирнэ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх