Хэт хүйтэрсэн үед такси үнэгүй үйлчилж байна

Ойрын өдрүүдэд хэт хүйтэрч байгаа тул Казахстаны нийслэл Астана хотод такси үйлчлүүлэгчэдээ үнэ төлбөргүй үйлчилж эхэлжээ. Даарч бээрсэн ард иргэддээ туслах зорилгоор Астана хотын захиргаа ийм шийдвэр гаргасан нь хотын иргэд болон жуулчдын талархлыг хүлээж байна. “Astana Taxi” компанийнхан “Дулаахан хүргэлт” нэртэй хөдөлгөөн өрнүүлж, хүйтэн өдрүүдэд зорчигчдод үнэгүй үйлчлэх 11 машин гаргажээ.  Үнэгүй хүргэлт өглөөний 8 цагаас үдшийн 19 цаг хүртэл үргэлжилнэ. Үнэгүй такси юуны өмнө ахмад настан, хүүхэдтэй хүмүүст үйлчлэх юм.

Энэ санаачилгыг Астанагийн хувийн машинтай хүмүүс ч дэмжиж, гудамжинд яваа хүмүүсийг үнэгүй хүргэн өгч эхэлжээ. Зарим эмийн сан үйлчлүүлэгчдэдээ үнэгүй халуун цай өгч байгаа бол “Астана LRT” компани хүйтний үед вокзал, нисэх буудлын машины зогсоолыг төлбөргүй  болгожээ. Астанад хүйтний эрч чангарсан өдрүүдэп олон хүн бага насны хүүхдүүд гар нүүр хөлөө хөлдөөсөн байна. Эмнэлгүүд ачаалал ихтэй ажиллаж байгаа аж.