Шатахууны үнэ нэмэгдэхэд ард түмний нуруун дээрх ачаа арай дэндүү хүндэрч байна

2018 оны 01-р сарын 16 өдөр, 14 цаг 23 минутад нийтэлсэн (Сэтгэгдэл үлдээх )
26855962_1281621838635978_277099707_n

Монголын татвар төлөгчдийн үйлдвэрчний эвлэлийн холбооноос хэвлэлийн хурал зарлаж, шатахууны үнийг бууруулах асуудлаар Засгийн газарт шаардлага хүргүүлэхээ мэдэгдэв.

Сүүлийн өдрүүдэд шатахуун импортлогч аж ахуйн нэгжүүдийн зүгээс “Засгийн газар онцгой албан татвар нэмсэн” гэсэн шалтгаанаар зарим төрлийн бензиний үнийг нэмж, хомсдол үүсгэсэн. Үүнээс үүдэн өргөн хэрэглээний бараа бүтээгдэхүүний үнэ нэмэгдэж, иргэдийн нуруун дээрх ачаа даахын аргагүй хүндэрч байгааг бүгдээрээ мэдэж байна. Тиймээс шатахууны үнийг бууруулах, хууль бусаар хомсдол бий болгож байгаа шатахуун импортлогч ах ахуйн нэгжүүдэд хариуцлага тооцохыг Засгийн газраас шаардаж байгаа учрыг үйлдвэрчний холбооныхон сэтгүүлчдэд мэдээлэв.  Мөн шатахууны үнийг өсгөхгүй байх чиглэлд бодлого боловсруулж, анхаарлаа хандуулахыг эрх баригчдаас шаардаж байгаагаа илэрхийлэв.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх