“PEOPLE AWARDS”-ын номинацийн эзэд хүмүүнлэгийн үйлст нэгдэнэ

PEOPLE” сэтгүүл нь үүсгэн байгуулагдсанаас хойш Монголын сэтгүүлзүйн салбарт өөрийн гэсэн өнгө төрх, байр суурийг хэдийнэ олжээ. Нийтлэлийн бодлого, фото зураг, агуулгаараа Монголын топ сэтгүүлүүдийн тэргүүн эгнээнд нэгдсэн “PEOPLE” сэтгүүл нь өдгөө 5 000 хувиар хэвлэгдэж, давхардаагүй тоогоор сар бүр 30-40 мянга, жилдээ 500-600 мянган хүн шимтэн уншдаг болоод байна.
Сэтгүүлийн редакцийн зүгээс улиран одож буй 2017 оныг дүгнээд “PEOPLE AWARDS” ёслолыг нэр төртэйгээр хоёр дахь удаагаа зохион байгууллаа.
“PEOPLE AWARDS” –ыг салбар хариуцсан яамд, төрийн байгууллагуудын үнэлгээ, дүгнэлт, олон нийтийн хандлага, мэргэжлийн экспертүүдийн судалгаа, хамгийн гол нь уншигчдынхаа санал асуулга дээр үндэслэн “PEOPLE” сэтгүүлийн редакцийн зүгээс тодруулдаг уламжлалтай. Тиймдээ ч “PEOPLE AWARDS”-ын номинаци жинхэнэ нүдээ олсон эзэддээ очдог гэдгийг энэ удаагийн үйл ажиллагаа, зочдын сэтгэгдлээс харж болно. Үүгээр зогсохгүй “PEOPLE AWARDS”-ын номинацийн эзэд нэгдэн хүмүүнлэгийн үйлс бүтээх санал, санаачилгыг гаргаад байна. Иймээс тун удахгүй хэрхэн хүмүүнлэгийн үйлст нэгдсэнийг олон нийтэд хүргэх болно.

Бүх цаг үед үнэ цэнтэй, хамгийн нөлөө бүхий улстөрч Ц.НЯМДОРЖ
“People” сэтгүүлээс УИХ-ын гишүүн, Хууль зүй, дотоод хэргийн сайд Ц.Нямдоржийг “Бүх цаг үед үнэ цэнтэй, хамгийн нөлөө бүхий улстөрч”-өөр нэрлэж байна. Ц.Нямдорж сайд 1990 оноос хойш 27 жилийн хугацаанд шинэ цагийн Монгол төрийг бий болгоход үнэтэй хувь нэмрээ оруулан завсаргүй зүтгэж, төр засгаа зөв байлгахсан, зөв болгохсон, алдаа эндэгдлээс хол байлгахсан хэмээн хоёргүй сэтгэлээр ажиллаж ирсэн билээ. Хэлсэн үг бүр нь үнэ цэнтэй, шулуун шударга занг нь Монголын ард түмэн үнэлж, түүнийг “Бүх цаг үед үнэ цэнтэй, хамгийн нөлөө бүхий улстөрч”-өөр нэрлэлээ. Түүний хувьд УИХ-ын гишүүнээр долоо дахь удаагаа, Хууль зүй, Дотоод хэргийн дэд сайдаар нэг удаа, Хууль зүй Дотоод хэргийн сайдаар гурав дахь удаагаа удаагаа ажиллаж байгаа энэ цагийн тулхтай, зангарагтай улстөрч юм.

Оны шийдэл сайтай, хариуцлагатай улстөрч С.БАТБОЛД
Нийслэлийн Захирагч бөгөөд Улаанбаатар хотын Засаг дарга С.Батболд “Оны шийдэл сайтай, хариуцлагатай улстөрч”-өөр тодорлоо. Хотын дарга С.Батболд ажлаа авсан цагаасаа эхлэн нийслэлд маш олон санал, санаачилга гарган ажиллаж байгаа нь нийслэлчүүдийн талархлыг хүлээгээд байна.
Тэрбээр тун чухал хэд хэдэн ажил хийснээс Агаарын бохирдлыг бууруулах чиглэлээр гаргасан 3 захирамж нь олны таашаалд нийцжээ.
Нэгдүгээрт, шилжилт хөдөлгөөнийг хязгаарласан захирамж. Энэ оноос өмнө жилд дунджаар 25-30 мянган хүн Улаанбаатар хотод шилжиж ирдэг байсан. Энэ нь 6000 орчим яндангаар хотын гэр хороолол тэлдэг байсан гэсэн үг. Захирамж гарсанаар энэ онд 8000 орчим хүн шилжиж ирсэн. Бас тэр хэмжээний хүн шилжиж явсан байгаа юм. Ингэхээр Улаанбаатар хотын механик шилжилт зогссон гэсэн үг. Шилжиж ирсэн хүмүүс хотод байнга эмчилгээ хийлгэх шаардлагатай юм уу, эсвэл орон сууц худалдаж авсан иргэд юм. Хоёрдугаарт, энэ ажлын хүрээнд нийслэл хотод үйл ажиллагаа явуулж буй томоохон зах, худалдааны төвүүдэд зөвхөн Монгол Улсын стандартад нийцсэн зуух зарж байна. Иргэд стандартад нийцсэн зуух авна гэдэг бол хорт утааны ялгаралт багасч байна гэсэн үг. Гуравдугаарт, суурьшлын бүсийн хязгаарыг тогтоосон. Суурьшлийн III, IV бүсэд хэзээ ч яндангаас утаа гарахгүй, энд зөвхөн цахилгаан халаагуур хэрэглэнэ.
Улаанбаатар хотын барилгажих, гэр хорооллын суурьшлын хэсгийн нутаг дэвсгэрийн хил хязгаарыг 35206 га талбайтай байхаар тогтоосон гээд хийсэн ажил тун их.
Нийслэлийн сургууль, цэцэрлэгийн анги, танхим болон эмнэлгүүдийн хүүхдийн тасгийг агаар шүүгчээр иж бүрэн хангахад зориулж 4 тэрбум төгрөгийн санхүүжилтийг Монгол Улсын Засгийн газраас шийдвэрлүүлсэн.

Орон нутаг, ард иргэддээ ээлтэй улстөрч Д.ТОГТОХСҮРЭН
УИХ-ын гишүүн Д.Тогтохсүрэн “PEOPLE Awards”-аар “Орон нутаг, ард иргэддээ ээлтэй улстөрч”-ээр шалгарч байна. Түүний хувьд төрөлх Өвөрхангай аймгийнхаа ИТХ-ын төлөөлөгч, Засаг даргаар ажиллаж байсан нутаг орноо гэх сэтгэлтэй, зүтгэлтэй, тойрогтоо жинтэй ажиллаж байгаа шилдэг улстөрч юм.
25 жил тасралтгүй орон нутагтаа, иргэдийнхээ дунд ажилласан тэрбээр 2017 онд л гэхэд 10 гаруй удаа тойрогтоо очин, 40 гаруй хоног ажиллажээ. “PEOPLE Awards”-ын арга хэмжээ болохын өмнөхөн нутагтаа ажиллаад ирсэн түүнд нутгийн ард иргэд нь сэтгэл хангалуун байдаг. Жинхэнэ нүдээ олсон шагнал байлаа хэмээн редакци руу нутгийн иргэд нь утасдаж, талархсанаа илэрхийлж байсныг хэлэх нь зүйтэй.

Оны онцлох эмэгтэй улстөрч Ц.ЦОГЗОЛМАА
Боловсрол, соёл, шинжлэх ухаан, спортын сайд Ц.Цогзолмааг “PEOPLE Awards”-ын “Оны онцлох эмэгтэй улстөрч”-өөр тодруулж байна. Түүний хувьд Сүхбаатар дүүргийн Засаг даргаар ажиллаж байсан бөгөөд Нийгмийн ардчилал Монголын эмэгтэйчүүдийн холбооны ерөнхийлөгч төдийгүй УИХ-ын гишүүнээр сонгогдсон ажиллаж байна. Тэрбээр сайд болсноосоо хойш боловсролын салбарт бугшсан авлига, хээл хахууль, төрийн мөнгө шамшигдуулдаг асуудалд хатуу хандахаа ил тод хэлж, зарим сургуулийн захирал, дарга нарт хариуцлага тооцон зоригтой алхамууд хийж эхэлсэн. Хэн нэгний нөлөөнд автахгүй, авлигаас ангид шударга ажиллаж чадна гэдгийг харуулж, боловсролын салбарт бугшсан тансаглал, төрийн мөнгийг үрж буй үйлдэлд хариуцлага тооцож, хэн нэгнээс эмээхгүйгээр ажиллаж чадаж байгаа нь талархууштай.

Иргэдийн итгэл хүлээсэн, залуу улстөрч Х.БУЛГАНТУЯА
МАН-ын намын нарийн бичгийн даргын албыг хашиж байхаасаа л олон нийтээс өндөр үнэлгээ авсан Сангийн дэд сайд Х.Булгантуяаг “PEOPLE Awards”-аар “Иргэдийн итгэл хүлээсэн, залуу улстөрч”-өөр шалгарууллаа. Түүний хувьд дэд сайд нар дундаа хамгийн залуухан ч өдгөө хийсэн ажил, хэлэх үгтэй, ажлын өндөр бүтээмжтэйгээрээ аргагүй л толгой цохиж яваа нэгэн. Улстөрч эмэгтэйчүүдээсээ төлөв даруу байдал, боловсрол, оюунаараа ялгардаг тэрбээр Авсрали Улсын Канберра хотын Лайнем дунд сургуульд бүрэн бус дунд сургууль, Монгол, Туркийн хамтарсан сургуулийн математикийн гүнзгийрүүлсэн сургалттай сургууль, МУИС-ийн Математик комьпютерийн сургуулийн хэрэглээний математикийн анги, БНХАУ-ын Дундад Хятадын Их сургуульд шилжин суралцаж, эдийн засгийн ухааны бакалаврын зэрэг, АНУ-ын Ейлийн их сургууль (Yale University)-д олон улсын эдийн засаг, хөгжлийн эдийн засгийн магистрын зэрэг тус тус хамгаалсан, Олон улсын эдийн засаг, хөгжлийн эдийн засагч мэргэжилтэй. Өдгөө Сангийн дэд сайдаар чамбай, чадварлаг ажиллаж байна.

Топ менежер Д.АРИУНБОЛД
Төрийн өмчит “Эрдэнэс-Таван толгой” ХК-ийн гүйцэтгэх захирал Д.Ариунболдыг “PEOPLE Awards”-аар өнгөрсөн онд ажил хөдөлмөрөөрөө тодорч, ялгарсан “Топ менежер” хэмээн өргөмжилж байна. “Эрдэнэс-Таван толгой” ХК-ийн захирал Д.Ариунболд “Чалко”-гийн буюу гадаад өрийг 100 хувь тэглэж, дотоодын өрийн 50 хувийг барагдуулахад үнэтэй хувь нэмэр оруулсан яах аргагүй “Топ менежер” билээ. Тиймдээ ч тэрбээр уул уурхай, тэр дундаа төрийн өмчит компаниуд дундаа топ менежер байж чадсан юм.

Оны жентельмэн бөгөөд шилдэг залуу бизнесмэн Б.БАТТҮШИГ
Дэлхийд чансаагаараа эхний аравт бичигдэх Чикагогийн Их Сургууль, Харвардын Бизнесийн Сургууль зэрэг дэлхийн топ сургуулиудыг дүүргэж, Морган Стэнли, Голдман Сакс зэрэг топ корпорациудад ажиллаж байсан Б.Баттүшигийг “Оны жентельмэн бөгөөд шилдэг залуу бизнесмэн”-ээр тодрууллаа. 2014 онд Монголдоо эргэж ирсэн тэрээр өдгөө “Алтай Холдинг” ХХК болон Скайтел ХХК-ийн ТУЗ-аар даргаар ажиллаж буй. Үүний зэрэгцээ хамгийн чухал боловч хамгийн их анхаарал дутдаг боловсролын салбарт хувь нэмэр оруулахаар Mongolia Needs You (Монголд Та Хэрэгтэй) ТББ-ыг үүсгэн байгуулж, жил бүр 30 оюутныг шалгаруулан дотоод гадаадын нэр хүндтэй байгууллагад ажилд оруулах, тэтгэлэг олоход нь тусалдаг. Багаасаа спортод дурласан болохоор олимпизмийн хөдөлгөөнд хүчээ өргөхөөр шийдэж, МҮОХ-ны тэргүүн дэд ерөнхийлөгчөөр сонгогдон, 2020 оны Токиогийн Олимпод Монголын баг тамирчдыг ахлахаар ажиллаж эхлээд байгаа юм. “E mart” сүлжээ дэлгүүрийг Монголдоо нутагшуулж, хэрэглэгчдэд хямд үнэ өргөн сонголтыг санал болгосон Б.Баттүшиг Бадминтоны холбооны ерөнхийлөгч, Монгол Банкны мөнгөний бодлогын зөвлөлийн гишүүнээр ажилладаг билээ.

Шилдэг инноваци нэвтрүүлэгч компани “УЛЬТРА СОНИК” ХХК
Өнөөдөр хүн төрөлхтөн гишгэсэн мөрөө эргэн харж, ногоон технологийг эрэлхийлж байгаа энэ үед Б.Чимэгцэцэг захиралтай “Ультрасоник” компани уг хэрэгцээнд нийцүүлж үйлчилдэгээрээ ялгардаг хамт олон юм. Тиймдээ ч “PEOPLE Awards”-ын “Шилдэг инноваци нэвтрүүлэгч компани”-аар тодорч байна. Уг байгууллага 2001 оноос эхлэн 15 жилийн туршид Монгол Улсад тулгамдаад байгаа агаарын бохирдол, хөрсний бохирдлыг бууруулахад чиглэсэн баруун Европын хамгийн сүүлийн үеийн тэргүүний техник, технологиудыг импортлон ажиллаж байна. Ашиг гэхээсээ илүүтэй Монголын нэг айл ч болтугай энэ дэвшилтэт технологийг ашиглан үр дүн, өгөөжийг нь хүртэж, амьдралын чанар гэдэг зүйлийг ойлгоосой хэмээн ажилладаг “Ультрасоник”-ийн халаалт, хэрэгцээний халуун, хүйтэн ус болон бохирын шийдлүүд нь эрчим хүчний хэмнэлттэй, хэрэглэхэд авсаархан бөгөөд хүний хэрэглээний аюулгүй ажиллагааг бүрэн хангасан, чанартай, эдэлгээ удаантай гэдгээрээ давуу талтай. “Ультрасоник” ХХК нь байгальд ээлтэй, эрүүл мэндэд хоргүй, аюулгүй байдлыг бүрэн хангасан теник технологийг Монголын зах зээлд нэвтрүүлж, нийгэмд тулгамдаж буй асуудал болох агаарын болон хөрсний бохирдлыг бууруулахад өөрсдийн хувь нэмрээ оруулж байна.

Шилдэг татвар төлөгч, орон нутагтаа ээлтэй компани “ТАВАНТОЛГОЙ” ХК
Орон нутгийн өмчит “Тавантолгой” ХК нь сүүлийн жилүүдэд улс болон орон нутгийн төсөвт 423,1 тэрбум төгрөгийн татвар, ноогдол ашиг төвлөрүүлж, Өмнөговь аймгийн төсвийн орлогын 70 хүртэлх хувийг, Цогтцэций сумын төсвийн 95 хувийг дангаараа бүрдүүлж, аймаг орон нутгийн нийгэм, эдийн засгийн хөгжил, бүтээн байгуулалтад бодитой хувь нэмэр оруулж байна. Тиймдээ ч “Тавантолгой” ХК “Шилдэг татвар төлөгч, Орон нутагтаа ээлтэй компани”-аар шалгарлаа. Компанийн захирал Р.Сэддорж “Монгол Улсын эдийн засаг хямарч, томоохон уул уурхайн компаниуд хүнд байдалд орж байхад 50 жилийн түүхтэй “Тавантолгой” ХК нь нэг ч удаа үйл ажиллагаагаа зогсоолгүй өр зээлгүй, амжилттай ажиллаж ирлээ. Энэхүү шагнал нь манай компанийн нийт ажилчдын хүч хөдөлмөрийг өндрөөр үнэлсэн явдал юм. Нийт хувьцаа эзэмшигчид, ажилчид, Төлөөлөн удирдах зөвлөл, хамтран ажилладаг түншүүдийн минь хөдөлмөрийн үр шим байлаа” гэсэн юм.

Нийгмийн хариуцлагатай, Үндэсний шилдэг компани “М-ОЙЛ групп” ХХК
“М Ойл групп” ХХК нь импорт, худалдаа үйлчилгээний чиглэлээр бүтэц зохион байгуулалтаа хийсэн 100 хувь Монголын хөрөнгө оруулалттай үндэсний компани юм. Уул уурхайн эрчимтэй хөгжлийн өнөө үед “М Ойл групп” ХХК нь Улаанбаатар хот, Өмнөговь, Чойр, Ховд, Увсын бүсүүдэд байрлах нефтийн агуулах, шатахуун түгээх станцуудаараа бөөний борлуулалтыг түгээж ирсэн билээ. Б.Пунсалмаа захиралтай уг хамт олныг “PEOPLE Awards”-аас “Нийгмийн хариуцлагатай, Үндэсний шилдэг компани”-аар өргөмжилсөн юм. “М ойл групп” ХХК нь Евро 92, Евро түлшийг БНСУ, ОХУ-аас оруулж ирснээр нефьтийн салбарт гуравдагч эх үүсвэрийг нээсэн юм. Евро 92-ыг Монголдоо нэвтрүүлснээр агаарын бохирдол 30 хүртэлх хувиар буурах өндөр үзүүлэлттэй бөгөөд дэлхийн улс орнууд энэхүү шатахууныг голчлон хэрэглэдэгээрээ давуу талтай.

Эрүүл мэндийн салбарын оны онцлох хүн Г.ПҮРЭВСҮРЭН
2010 онд үүсгэн байгуулагдсан “Гурван гал” эмнэлэг нь өдгөө 175 ажлын байр бүрдүүлж, Монголдоо тэргүүлэх эх барих, эмэгтэйчүүдийн эмнэлэг болж чадсан билээ. Энэ хамт олныг удирдаж байгаа хүн бол “Гурван гал” эмнэлгийн захирал Г.Пүрэвсүрэн. Монголдоо эх барих, эмэгтэйчүүд, хүүхдийн чиглэлээр толгой цохиж ажилладаг уг байгууллагын захирал Г.Пүрэвсүрэнгийн ажлын амжилтыг үнэлж “PEOPLE Awards”-аар Эрүүл мэндийн салбарын оны онцлох хүнээр тодрууллаа.
Г.Пүрэвсүрэн захиралтай “Гурван гал” эмнэлэг нь үйлчлүүлэгч бүрийн эрүүл мэнд, сэтгэл ханамжийн төлөө ISO 9001:2015 стандартыг нэвтрүүлж эхэлсэн юм. Уг байгууллага амбулаториар өдөрт 200-300 хүнд үйлчлэх хүчин чадалтай, поликлиник оношлогооны хэсэгтэй. Эх барих эмэгтэйчүүд, хүүхэд болон насанд хүрэгсдийн дотор, мэс заслын чиглэлээр эмнэлгийн тусламж үйлчилгээг шатлал, харьяалал харгалзахгүй хөнгөн шуурхай үзүүлэхээс гадна үйлчлүүлэгчдийн тав тухыг хангасан орчинг бүрдүүлж чадсан билээ.

Иргэдийн итгэл хүлээсэн, найрсаг хамт олон “ГОВЬ КОМПЛЕКС”
Монголд анх удаа орчин нөхцөлийн хувьд ч үйлчилгээний соёлын хувьд ч шинэлэг, ард иргэдийн эрүүл мэндэд сайн, чанарын шаардлага хангасан, монгол орны байгалийн үнэт чулуу болох давс, мана, гартаам, болор чулуугаар бүрэн гүйцэт доторлосон “Говь саун” төвийг “Иргэдийн итгэл хүлээсэн, найрсаг хамт олон”-оор тодрууллаа. Анх “Говь саун” төв уурын саун, душ, жакузи, бие үрэлт, амралтын өрөө, хүчилтөрөгчийн өрөө, ресторан зоогийн газар, эмчилгээний массаж, үсчин зэрэг үйлчилгээг явуулдаг байсан бол өдгөө кофе шоп, лоунж, австри хоолны ресторан, хүлээн авалтын заал, солонгос хоолны ресторан, япон хоолны ресторан, бүжгийн заал, фитнесс зэргээр үйлчилгээний цар хүрээгээ тэлээд байна. Ер нь хүн өөрөө байгалийн амьтан. Байгаль дэлхийтэй ойр байх тусам бие, сэтгэл ариун бөгөөд амар амгалан оршдог гэж өвөг дээдэс маань өгүүлдэг. Энэ ч утгаараа цэвэр байгалийн чулуугаар хийгдсэн “Говь” сауны чулуун өрөөнүүд хүний эрүүл мэндэд асар их нөлөө үзүүлж байна гэх бодит түүхүүд байдаг. Үйлчилгээ сайтайгаас гадна хамт олон нь тун найрсаг, эелдэгээрээ үйлчлүүлэгчдийн талархлыг хүлээгээд байна.

Оны онцлох Үндэсний брэнд үйлдвэрлэгч “THREE FLAMES” ХХК
Гаргасан бүтээгдэхүүн бүр нь зах зээлд амжилт олон гялалзаж яваа “Three Flames” ХХК-ийн захирал Т.Хонгорзул “Хадлан” дээлийг тренд болгож чадсан. Хөдөө хээрээр гэр хийж, ан авд явдаг эрчүүд өдгөө Т.Хонгорзулын дэлгүүрийн гол үйлчлүүлэгчид болжээ. “FLAMES”-ийн дээл, куртик, ангийн хувцас, мишок болон бусад бүтээгдэхүүнүүдийн гадар материал нь ус чийг нэвтэрдэггүй, дотор талдаа биеийн дулаан барьдаг нано дотортой мөн гэрийн нөхцөлд угааж, цэвэрлэх боломжтой, хэрэглээний хувьд бидний орчин цагийн нөхцөлд тааруулж хийсэн тусгай халааснуудтай, өөрийн гэсэн ууттай, аялал зугаалганд авч явахад бүрэн тохирсон юм. Нано дотор нь хүний биеийн дулааныг барьдаг, үрэлтийн явцдаа 30%-ийн дулаан ялгаруулдаг шинэ технологи даавуугаар урлагдсан, өвөлдөө -30 хэмд дааруулахгүй, хүндийн жин нь ердөө 1.5кг ч үстэй дээлнээс дулаахан гэдгээрээ давуу. Зундаа хөлрүүлж халууцуулдаггүй гээд тухайлбал “Хадлан” дээлний давуу тал эрчүүд байтугай бүсгүйчүүдийн сонирхолд тун нийцсэн бүтээл болсон.

Оны олны таашаалд нийцсэн брэнд нэвтрүүлэгч, “SHERRI HILL” Mongolia
Дэлхийн алдартай брэндүүдийн нэг болох “Sherri hill”-ийн Монгол дахь албан ёсны дистербютерээр ажиллаж байгаа Г.Золзаяа захиралтай “SHERRI HILL” Mongolia нь “Оны олны таашаалд нийцсан брэнд нэвтрүүлэгч”-ээр тодорлоо. Өдгөө зургаа дахь жилдээ Монголынхоо охид, бүсгүйчүүдийг “Sherri hill”-ийн гоёлын даашинзаар гоёж байгаа энэ хамт олныг PEOPLE-ийн уншигчид олны таашаалд нийцсэн бүтээгдэхүүнтэй хэмээн дуу нэгтэйгээр нэрлэсэн. Дэлхийн оддын гоёлын даашинзыг урладаг “Sherri Hill” брэнд нь Монгол бүсгүйчүүдийн дуртай гоёл болоход Г.Золзаяа ихээхэн үүрэг гүйцэтгэсэн юм.

Оны олны таашаалд нийцсэн үйлчилгээний байгууллага “LION TOWER”
“Асгат сервис” ХХК-ийн захирал хатагтай Г.Болор-Эрдэнийн “LION TOWER”-ыг “Оны олны таашаалд нийцсэн үйлчилгээний байгууллага”-аар тодрууллаа. “Lion tower” рестораны хувьд эртний хаадын өргөөг санагдуулам хэрнээ хамгийн классик, дээд зэрэглэлийн тохижилт, үйлчилгээтэйгээрээ алдартай. Нэг дор 100-500 хүртэлх хүнтэй албан байгууллагын баярын арга хэмжээг зохион байгуулах хүчин чадалтай “Lion tower” зочид буудал, рестораны хамт олон нь иргэдийг сэтгэл ханамжийг дээд зэргээр чухалчилдаг гэдгээрээ онцлогтой.

Хамгийн сайхан, үлгэр жишээ гэр бүл Б.ЭНХБАЯР, Х.СОЛОНГО
“Монос”-оор овоглосон Б.Энхбаяр, Х.Солонго нар “Оны хамгийн сайхан, үлгэр жишээ гэр бүл”-ээр тодорч байна. Б.Энхбаяр, Х.Солонго нар өдгөө гурван сайхан хүүхдийн ээж, аав. Нэр төртэй, үлгэр дууриал болж яваа залуу хос маань нийгэмдээ хариуцлагатай ажиллаж яваа билээ. Х.Солонгын тухайд “Монос” группийн үүсгэн байгуулагч Л.Хүрэлбаатарын охин. Хүүхдүүдээ боловсрол өндөртэй, оюунлаг, төлөв даруу болгож өсгөсөн түүний охин Х.Солонго “Монос Косметикс”-ийн ТУЗ-ын даргаар ажилладаг. Үеийнхэн болон залуустаа үлгэр дууриал болж яваа сайхан хосыг манай уншигчид “Хамгийн сайхан, үлгэр жишээ гэр бүл”-ээр тодруулсан билээ.

Оны спортын онцлох хүн Улсын заан Н.ЖАРГАЛБАЯР
Сүүлийн жилүүдэд барилдааны туршлага, ур чадвар нь илт сайжирч, бөхийн хорхойтнууд “Нэг л өдөр улсын наадамд түрүүлнэ дээ” хэмээн дээлийнх нь захыг мушгих болсон хүчтэн бол Сэлэнгэ аймгийн Мандал сумын харьяат, “Увс нуур” дэвжээ, “Сүлд” спорт хорооны бөх Нэгдэлийн Жаргалбаяр билээ. Тэрбээр өнөө жилийн наадамд долоо даван, улсын заан цол хүртсэн амжилтаараа “Оны спортын онцлох хүн”-ээр тодорч байна. Түүнийг улсын арслан М.Мөнгөн агсны удмын бөх, улсын начин Д.Нэгдэлийн хүү гэдгийг манай уншигчид андахгүй.

Оны онцлох урлаг, соёлын хүн МУГЖ Д.АЛТАНХУЯГ
Дэлхийн шилдэг найман балетчны нэг болж, Улсынхаа нэрийг дэлхийн сонгодог урлагийн тавцанд таниулж яваа балетчин Д.Алтанхуяг “Оны урлаг, соёлын онцлох хүн”-ээр тодорч байна. Дэлхийн алдартай тайз түүнийг урьж, “Нью-Иорк таймс” гайхалтай эрч хүч, төгс техник, эрэмгий дайчин төрхөөр нь шагшиж байгааг мэдэхгүй хүн үгүй биз ээ. Шинэ жилийн үдшийг “Цөмөөхэй” балетгүйгээр төсөөлөхийн аргагүй. Тайзан дээрх сүрлэг том гацуур мод, будран хаялах цасан ширхэг, бяцхан багачуудын инээд баяслаас шинэ жилийн уур амьсгал, халуун дулаан мэдрэгддэг. Тэгвэл “Цөмөөхэй”-г МУГЖ Д.Алтанхуяг 2015 оноос хойш театрын тайзнаа тавьж байгаа билээ.

Сошиал ертөнцийн од, Хүмүүнлэгийн үйлстэн Б.ДЭЛГЭРМАА

Фэйсбүүк дэх “Сайхан бүсгүй” группийг үүсгэн байгуулагч Б.Дэлгэрмаа “PEOPLE Awards”-ын Сошиал ертөнцийн од, Хүмүүнлэгийн үйлстэнээр тодорлоо. Түүний хувьд группийнхээ 150 000 гаруй бүсгүйчүүдийн хамт Гэмтэл согог, хүүхдийн мэс заслийн тасгийг иж бүрэн тохижуулсан, Манна 0-2 насны хүүхдийн асрамжийн гадаах талбай тохижуулж, найман сая төгрөгийн памперс сүү, хувцас материаллаг хандиваар тусламж үзүүлсэн,
бяцхан Цэлмэг охины хагалгааны төлбөрийг хандив болгон ээж аавд нь өгсөн, Онцгой байдлын түймрийн голомтод ажиллаж байсан залуустаа нэг өдрийг зориулсан, ХУД-н 73 цэцэрлэгт өргөтгөл барин тохижилтын хамт хүлээлгэн өгсөн, ТҮК-ийн ажилчдад тусламж туслалцаа үзүүлсэн гээд хийсэн арвин ажилтай билээ.

Оны онцлох эрдэмтэн Г.ЛХАГВАА
Украин улсын Одесс хотын Технологийн дээд сургууль, Герман улсын Дрезден хотын Техникийн их сургуулийн аспирантурыг тус тус төгссөн, “Хүнсний шингэн уургийг биотехнологийн аргаар холбож, хатуу биед шилжүүлэх биотехнологийн арга”-ыг олж Герман улсын патент, “Монголын уламжлалт хоолзүйн судалгаа хүн төрөлхтний эдүгээ ба ирээдүйд холбогдох нь” бүтээлээр Монгол улсын зохиогчийн гэрчилгээ, “Эсийн түвшинд хүрч үйлчлэх эрчим зохицуулалтын арга”, “Хүний эмчилгээний загварчлал” бүтээлээр Монгол Улсын патент авсан эрдэмтэн Г.Лхагвааг “Оны онцлох эрдэмтэн”-ээр тодрууллаа. Г.Лхагваа доктор урт удаан хугацаанд эмчлэгддэг сүрьеэ өвчинг монгол аргаар маш богино хугацаанд эмчлэх аргыг нээсэн төдийгүй түүний судалж, нээн, илрүүлсэн олон арван эрдэм шинжилгээний ажлууд байдгийг уншигчид хэдийнэ мэдэх биз ээ.