Гэр бүлийн кино 34 жилийн дараа ахин дэлгэцнээ

“Guys” хамтлагийн дуучин, жүжигчин, найруулагч А.Төгсбаярын бүтээл “Хүн мод” уран сайхны кино ирэх баасан гарагт буюу энэ сарын 29-ны өдөр бүх кино театруудад нэгэн зэрэг нээлтээ хийх гэж байна. “Сайн уу амьдрал минь”, “Хэцүү анги”,“Ах дүүс”, “Эрэмдэг”, “Эцсийн хүсэл” зэрэг үзэгчдийг байлдан дагуулсан кинонуудыг бичиж, найруулж, гол дүрийг нь бүтээсэн тэрбээр дараагийн уран бүтээлээ монголынхоо бүх гэр бүлүүддээ зориулжээ.

 Монголын өнөөгийн бодит амьдралаас сэдэвлэн бүтээгдсэн тус кино эсрэг дүр байдаггүй гэдгээрээ онцлогтой. Уран бүтээлчид нь энэ талаар “Манай киноны гол дүрүүдийн туулж өнгөрүүлж буй амьдрал нь эсрэг дүр болж, алдаж онохын завсарт хэрхэн ухаашиж, зөв зам мөрөө олж байгаа талаар энгийнээр өгүүлдэг. Тиймээс гэр бүлээрээ суугаад үзэхэд хамгийн тохиромжтой. Хэн, хэнд нь ухаарал хайрласан уран бүтээл” хэмээн ярьжээ.

Шинэ жилийн баярын өдрүүдийг гэр бүлийхэнтэйгээ хамт тэмдэглэх нь хамгийн нандин дурсамжуудыг үлдээдэг. Тиймээс та энэ баярын өдрүүдэд хайртай дотны хүмүүстээ зав гаргаж, ухаарал хайрласан “Хүн мод” уран сайхны киног үзэж, ирэх оноо угтаарай.