Шил толь мэт гулгаанаас болгоомжил

Нэвсийтэл орсон цас хайлах нь хайлж, хайлж амжаагүй нь тош болон хөлдөв. Хотын төв хэсэг хальтиргаа гулгаа багатай болсон нь сайн хэрэг. Цас хайлуулдаг бодисыг овоо цацсаны үр гэж хүмүүс талархаж буй. Харин хотын захын замууд хэрэг алга. Хаана л бол хаана тас савж унахаар шил толь болжээ. Өвөл болдгоороо болно. Гялгар гялтгар бүр ихсэнэ. Үүнийг хэлэхийн учир нь болгоомжтой байхыг сануулсных. Өчигдрийн байдлаар тэшиж тэнцэж яваад явганаас унаж бэртсэн хүмүүсийн тоо өдөртөө 100 гарч байна гэж гэмтлийн эмч ярьж байна. Анхааралтай болгоомжтой байхыг иргэн бүр санаж байхыг тэд анхааруулав.