Ааваа магтан дуулах дуртай дуучин

Дуу бүхэн өөрийн амьдралтай. Тэрхүү дууны амьдралыг дуучин хүн л бий болгодог билээ. Цаг хугацаа улиран одовч сэтгэлд уяатай, уянгатай олон сайхан уран бүтээл өнөөгийн бидний дунд хоногшин үлдсэн байдаг. Мөн шинээр олон сайхан уран бүтээлч, уран бүтээлүүд төрөн гарсаар байгаа билээ. Өнөө цагийн дууны ертөнцөд өөрийн өнгө төрхөө олж олон сайхан дуугаараа бидний сэтгэл хийгээд сонорыг мялааж яваа дуучны нэг бол Б.Эрдэнэхүү билээ. Тэрээр түүний дууг шимтэн сонсох дуртай фэнүүддээ зориулаад 11-р сарын 09-ний өдөр өөрийн анхны бие даасан “Малчин ааваа магтан дуулъя” тоглолтоо хийх гэж байгаа гэнэ. Дуучин Б.Эрдэнэхүү аль хэдийнээ тоглолтын бэлтгэлдээ ороод тунчиг завгүй гүйж яваад манай дуранд ийнхүү өртлөө.