Дарханаас 35 оюутан “Оюутан цэрэг” хөтөлбөрт хамрагдаж байна

2017 оны 03-р сарын 31 өдөр, 17 цаг 01 минутад нийтэлсэн (Сэтгэгдэл үлдээх )
Oyutan

Засгийн газрын тогтоолоор “Оюутан цэрэг” хөтөлбөр 3-н жил амжилттай хэрэгжиж ирсэн. 3-н жилийн хугацаанд нийт 2390  оюутан хамрагдсан бөгөөд энэ онд 1000 оюутан байхаар Батлан хамгаалах сайдын тушаал гарчээ.

Дархан-Уул аймгаас тус хөтөлбөрт 35 оюутан хамрагдаж өнөөдөр /2017.03.31/ “Дархан Өргөө” политехникийн коллеж дээр нээлтээ хийлээ. Нээлтийн арга хэмжээнд аймгийн Засаг даргын Нийгмийн бодлого8 төсөл хөтөлбөр хариуцсан орлогч А.Түвшинбат, Дархан сумын Засаг дарга Б.Азжаргал, Аймгийн Засаг даргын тамгын газрын Цэргийн штабын дарга дэд хурандаа Ц.Энхтөр болон бусад албаны төлөөлөл байлцлаа.

 Дархан-Уул, Орхон аймгийн их дээд сургуулийн 100 оюутан 2017 оны 04 дүгээр сарын 01-нээс 06 дугаар сарын 01 хүртэл Дархан Өргөө сургуульд онолын хичээлийг судлах ажээ. Харин цэргийн мэргэжлийн бэлтгэл шатны сургалтаа 06 дугаар сарын 15-аас 08 дугаар сарын 15-ны хугацаанд Орхон аймаг дахь Зэвсэгт хүчний 186 дугаар ангид хийх ажээ.

 Хөтөлбөр хэрэгжсэнээр цэргийн насны залуус иргэний цэргийн үүргээ биелүүлэх нөхцөл нэмэгдэж, цэргийн алба хаах шинэчлэл, дайчилгааны бэлтгэл нөөцийн бүрэлдэхүүн нэмэгдэж байгаагаараа ач холбогдолтой ажээ.

Оюутан залуус эх орноо батлан хамгаалах, эрүүл чийрэг, бие бялдар, сэтгэл зүйн бэлтгэлтэй залуус болон төлөвшиж байгаа нь үр дүнд хүрэх юм.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх