Төв аймаг PCR шинжилгээний тоног төхөөрөмжтэй боллоо

Цар тахлын нөхцөл байдал хүндэрч байгаа энэ хүнд үед УИХ-ын дарга асан, “Эх нутгийн иргэд” ТББ-ын тэргүүн Миеэгомбын Энхболд коронавирусийн өвчлөлтэй тэмцэх, иргэдийн эрүүл мэндийг хамгаалахад дэмжлэг үзүүлж 195,0 сая төгрөгийн өртөг бүхий PCR шинжилгээний тоног төхөөрөмжийг төрөлх нутаг Төв аймгийн Нэгдсэн эмнэлэгт хүлээлгэн өглөө.

Тэрээр өөрийн санаачлан хэрэгжүүлдэг “Монгол малчин” төсөлтэй хамтран ажилладаг “Баян Монгол” ХХК-д хандсаны дагуу PCR шинжилгээний тоног төхөөрөмжийг шийдвэрлэсэн байна. Уг төхөөрөмж нь ХБНГУ, БНХАУ-ын хамтарсан “Biotechnology”судалгааны төвд 2021 оны 6 дугаар сард үйлдвэрлэгджээ.