ЕБС-ийн 12 дугаар ангийг 28.6 мянган сурагч төгсжээ

Бүх шатны сургуулийг 2019/2020 оны хичээлийн жилд 118.2 мянган суралцагч төгссөнөөс ерөнхий боловсролын сургууль (ЕБС)-ийг 71.3 мянган сурагч, техникийн болон мэргэжлийн боловсрол, сургалтын байгууллагыг 18.9 мянган суралцагч, их, дээд сургууль, коллежийг 28.0 мянган оюутан тус тус төгсжээ.

ЕБС-ийг өдрөөр төгсөгчдийн 42.7 мянган нь суурь боловсрол (9 дүгээр анги)-ыг, 28.6 мянга нь бүрэн дунд боловсрол (12 дугаар анги)-ыг эзэмшигчид байна.

12 дугаар ангийг өдрөөр төгсөгчид өмнөх оны хичээлийн жилээс 12.1 мянга буюу 73.7 хувиар өссөн байна.