Хөгжлийн бэрхшээлтэй иргэддээ хүндэтгэл үзүүллээ

Олон улсын хөгжлийн бэрхшээлтэй иргэдийн эрхийг хамгаалах өдрийг тохиолдуулан Баянзүрх дүүргийн Засаг даргын Тамгын газраас жил бүр дүүргийн 28 хорооны төлөөлөл болсон Хөгжлийн бэрхшээлтэй иргэдээ хүлээн авч, хүндэтгэл үзүүлдэг уламжлалтай. Иймд өнөөдөр дүүргийн Засаг даргын Тамгын газар болон дүүргийн Хөгжлийн бэрхшээлтэй иргэдийн зөвлөлөөс амьжиргааны баталгаажих төвшнөөс доогуур орлоготой хөгжлийн бэрхшээлтэй 500 гаруй иргэний төлөөллийг хүлээн авч хүндэтгэл үзүүллээ.

Тус арга хэмжээнд дүүргийн Хөдөлмөр эрхлэлт нийгмийн хөгжлийн асуудал хариуцсан Засаг даргын орлогч Д.Уламбаяр, Нийгмийн хөгжлийн хэлтсийн дарга С.Сувд-Эрдэнэ, Хөгжлийн бэрхшээлтэй иргэдийн зөвлөлийн дарга Ц.Гүрдагва болон албаны бусад хүмүүс оролцсон юм. Хүндэтгэлийн арга хэмжээний үеэр дүүргийн Эрүүл мэндийн төвөөс үзлэг, оношилгоо хийсэн бол Улаан загалмайн хороо болон Нийгмийн даатгалын хэлтсээс мэдээлэл өгөв хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.