Боловсролын салбарт нийт 47.4 мянган багш ажиллаж байна

Дэлхийн багш нарын 25, Монголын багш нарын 53 дахь өдөр тохиож байгаа билээ. Монгол Улсын боловсролын салбарт 2018 оны хувьд нийт 47.4 мянган багш, сурган хүмүүжүүлэгч ажиллаж байгаагийн 40.1 мянга нь улсын сургуульд багшилж байна.

Тодруулбал, Сургуулийн өмнөх боловсрол 7.8, Ерөнхий боловсролын сургуульд 30.4, МСҮТ-д 2.5, Их дээд сургуульд 6.7 мянган багш ажиллаж байгаа юм. Сургуулийн өмнөх боловсролын багш хамгийн их ачаалалтай буюу нэг багшид ногдох хүүхдийн тоо 31 байна.

Харин ЕБС-д 2018 оны байдлаар 30.4 мянган багш ажиллаж байгаа бөгөөд тэдний 82 хувийг эмэгтэйчүүд эзэлдэг. ЕБС-ийн нийт багш нарын 14 хувь нь магистр, доктор, 13.1 мянга нь мэргэшлийн зэрэгтэй. ЕБС-ийн нэг багшид 20 хүүхэд оногддог бол бага бүлгийн багшид 31 хүүхэд оногдож байна.

Улсын нэгдсэн төсвийн нийт зардалд боловсролын салбар 15 хувь эзэлдэг.

Боловсролын салбарын дундаж цалин 2018 онд 760.2 мянган төгрөг байсан байна.