Хамтран ажиллах санамж бичиг байгуулав

Тээврийн цагдаагийн алба болон “Emart” худалдааны төв хамтран ажиллах “Санамж бичиг”-ийг 2018 оны 10 дугаар сарын 30-ны өдөр байгуулж, тус албаны Урьдчилан сэргийлэх хэлтсийн дарга, цагдаагийн хурандаа Э.Бөхбат болон Скай хайпермаркетын гүйцэтгэх захирал Н.Жавзмаа нар гарын үсэг зурлаа.

Хоёр тал нь хамтын ажиллагааг цаашид улам гүнзгийрүүлэх замаар бага насны хүүхдийг зам тээврийн осол гэмтлээс урьдчилан сэргийлэх, замын хөдөлгөөний дүрмийг хүүхэд нэг бүрт таниулж, багаасаа зөв дадал зуршилтай ирээдүйн иргэн болгон төлөвшүүлэхэд хамтран ажиллана.