Цэрэг татлага маргааш эхэлнэ

Нийслэлийн хэмжээнд энэ оны нэгдүгээр ээлжийн цэрэг татлага энэ сарын 5-7-ны өдрүүдэд болно. Сүхбаатар дүүргийн цэрэг татлагын товчоо 31 дүгээр сургуульд ажиллах бөгөөд зарлан дуудах хуудас авсан 18-25 насны залуучууд буюу цэргийн бэлтгэл үүрэгтэн хамрагдах юм. Зарлан дуудах мэдэгдэл авсан иргэн цэрэг татлагын байранд очихдоо иргэний үнэмлэх, цэргийн үүрэгтний үнэмлэх, эрүүл мэндийн болон нийгмийн даатгалын дэвтэр, 3х4 хэмжээний 2 ширхэг зураг зэрэг холбогдох материалаа бүрдүүлж очих юм. Мөн төрөл бүрийн мэргэжил эзэмшсэн тухай мэргэжлийн үнэмлэх, сургууль төгссөн дипломоо авч очно гэдгийг Сүхбаатар дүүргийн Цэргийн штабаас мэдээлж байна.