Амьдралын алтан мөчийг “САЙН ААВ” МУСК-ноос

Саяхан нээлтээ хийсэн “Good dad” буюу “Сайн аав” уран сайхны кино үзэгчдийн дунд эрэлт ихтэй байна. Уг киног УБ такси компаний жолооч Т.Даваасүрэн агсаны бодит амьдарлаас сэдэвлэн бүтээжээ.Т.Даваасүрэн агсан амьд ахуйдаа амьдралын хатуу хөтүү хүнд бэрхийг үл ажран хэрхэн яаж сөрж тэмцэж явсныг энэхүү кинонд тодорхой харуулсан байна.
Аавын тухай олон сайхан кино байдгыг Монголын ард түмэн мэднэ. Харин энэ кино тэдгээр кинонуудын нэг болж,орчин үеийн Монголын олон аавуудад үлгэр дууриал болохуйц сайн кино болж чадсан гэж бахархалтайгаар хэлж болно.
Аавын тухай кино гэснээс манайд чинь аавын тухай дуу шүлэг тийм их байдаг билүү гэж гэнэт бодогдлоо. ”Нандин-Эрдэнэ” кинон дээр гардаг даа гадны жуулчин “яагаад үүрд хамт байгаач ээжээ гэж дуулаад байгаа юм бэ? ээж нь саятан юм уу” гэж асуудаг. Нээрээ л манайд чинь ээжийн тухай дуу их байдаг,харин аавын тухай дуу тийм ч их байдаггүй.
Тэр утгаараа монголчууд маань аав ээжийгээ аль алныг нь хайрлан хүндэлдэг сайхан заншилтай ард түмэн. Аав гэдэг чухамхүү өрх гэрийн тулж түших ноён нуруу болж явдгаараа хэн бүхнийх нь сэтгэлд их ойр дотно байдаг билээ. Аавгүй айл эзэнгүй гэр мэт ханхайдаг. Сайн аавын тухай олон сайхан үг хэлж болох ч миний бодлоор нөмөр нөөлөг, түшиг тулгуур, хайр халамж, сэтгэл зүрхээ гэр орондоо зориулж чадсан хүн бол “жинхэнэ сайн аав” юм.
Үзэгчид та бүхэндээ хандаж хэлэхэд “Сайн аав” киногоо гэр бүлээрээ хамтдаа үзэж, жирийн гүндүүгүй монгол аавын сэтгэлийг чин сэтгэлээсээ мэдрээрэй гэж хүсье. Бас та бүхэнд болон танай гэр бүлд аз жаргал, амжилт бүтээлийг хүсэн ерөөе.